按盤價 
《開市Ｇｏｏｄ Ｍｏｒｎｉｎｇ》香江魚缸似足玩過山車，日內雖曾挫１８１點，點知下
晝磨磨下竟然有得倒升！近尾市更衝高過近２００點，收市仲保得住１５６點升幅，收報
１６７９０點，險守百天線。以現時條件而言，企穩百天線有無難度？但下個月就係傳統業績期
，近期阿爺又積極托市，各方人士都要睇下各大央企會否增加派息率、或有否訂定提振市值嘅手
段，變相孖屐短線窄幅上落係意料中事？上證綜指近期都喺３０００點關爭持，一日未突破此水
平、一日都難確認股市氣氛好轉？
聽日仲要睇實財爺公布財政預算案，孖屐三大呼聲包括樓市「撤辣」、續推盛事經濟及延續
建屋造地方針。不過孖屐信心又係咪單靠「撤辣」就修復到？更何況現階段仍係只聞樓梯響，不
宜過份憧憬？最驚就係一有咩利好消息傳出，孖屐就急急腳沽貨走人！政府力推盛事經濟，怕唔
怕使咗大錢、但成效未如理想？神州消費降級情況持續，港府即使大大力推、遊客睇怕只肯急急
腳走？對本地消費嘅利好作用可能言過於實！
至於聽日收市後公布舊年第四季業績嘅百度（０９８８８），最受孖屐關注嘅當然係文心一
言嘅發展啦！講科研講發展都一段時間，究竟真係搵緊錢未呢？宏觀經濟疲弱連帶廣告需求都未
完全恢復，要靠廣告收入補貼龐大嘅ＡＩ研發開支，似乎遇上難關？政治風險影響下，百度股價
今年都無起色，發展ＡＩ此雙刃劍已難再成為推升股價嘅單一催化劑？
聽日（２８日）《開市Ｇｏｏｄ Ｍｏｒｎｉｎｇ》搵嚟資深財經分析師熊麗萍，同大家分
析上述股份、大市走勢，同埋當日嘅焦點股！歡迎大家提問投資及其他股票問題。記得準時
８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ Ｍｏｒｎｉｎｇ》
喇！或者ｃｌｉｃｋ入嚟 ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？
ｖ＝９６ｏ６ｔｊＮ０８７Ｉ 打個卡先又得！
【你點睇】內地再增8個自由行城市，餐飲業倡設大灣區身份證，以便利更多人來港消費，你是否認同？► 立即投票
