按盤價 
《小傳日記》年尾流流，阿爺可能怕魚缸太悶，為孖屐投下已經無見一年嘅監管震撼彈！國
家新聞出版署發布《網路遊戲管理辦法（草案徵求意見稿）》，其中規定網路遊戲唔可以設定每
日登入、首次預付、連續儲值等嘅「誘導性獎勵」，所有網路遊戲要設定用戶儲值限額，對於用
戶非理性消費行為，應進行彈出式警告提醒。
另外又提到，從事網絡遊戲出版業務所需的必要的技術設備，相關服務器和存儲設備「須存
放在中華人民共和國境內」，法定代表人都必須係境內長久居住而且具有完全民事行為能力嘅中
國公民。
一年無見嘅「老朋友」又再歸來，孖屐真係「不亦落乎」！放ｌｕｎｃｈ前消息突然傳出，
全線遊戲股應聲即跌，尤其係龍頭ＱＱ（００７００）同網易（０９９９９），原本網易仲係今
年表現比較好嘅科技股，點知單日最多暴瀉三成，一日就跌返去上年年底水平，全年升幅一日就
打回原形。
今次嘅打壓力度都係出乎意料之外，因為好多條限制都寫得好仔細，每一項都係重擊緊遊戲
行業一直以來嘅生態。好似最矚目嘅限制每日登入獎勵，呢個係每一個ｇａｍｅ都必然會出現，
每日簽到然後到一定日數可以有獎勵，幾乎每個打過機嘅人都經歷過，但對於阿爺來講原來係唔
應該出現嘅存在，令到孖屐都比較震驚。
今次監管有兩個重點，其一係限制「誘導性獎勵」以及「非理性消費」，其二就係存儲設備
必須留喺境內。第一點繼續係好嘅出發點，繼續原本嘅諗法就係要防止用戶沉迷。不過孖屐普遍
都覺得措施對於遊戲股嘅盈利可能會大幅受挫，尤其係呢啲係好基本嘅部分，忽然要轉都影響好
多。尤其最重要一點，年尾得返幾日先嚟咁震撼，令孖屐都無時間慢慢消化就要年結，仇都無得
報，都係今次監管消息嘅弔詭之處。
２０２３年得返三個交易日，都唔知ＱＱ網易仲有無回天之力，恒指結果都要跌差唔多
３００點，原本升過２００幾點最後又跌返，上落成５００點，仲要日線圖形成大成交破腳穿頭
利淡衰樣，淨低三個交易日真係難有好事發生，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
【你點睇】律政司就《願榮光》禁制令上訴得直，法庭批臨時禁制令，你認為能否有效阻截歌曲傳播？► 立即投票
