按盤價 
《魚缸博客》今朝恒指高開１８６點，其後升幅持續擴大，最高升到１６６３７，升幅超過
４００點。今日最省鏡應該係隻開拓藥業（０９９３９），最高升到１﹒１１銀，較上星期五
（１９日）收市價漲逾２８％。原因係咩，唔睇集團公告你都唔會估到。
原來集團話，佢個ＧＴ２００２９治療男性脫髮中國ＩＩ期臨床試驗達到主要終點，而且結
果具有統計學顯著性同埋臨床意義，且安全性及耐受性良好。仲話基於該項ＩＩ期臨床試驗嘅結
果，將會部署ＧＴ２００２９後續臨床策略，例如開展男性脫髮中國ＩＩＩ期臨床試驗，以及美
國ＩＩ期臨床試驗等。此外，集團正準備開展ＧＴ２００２９用於痤瘡治療嘅ＩＩ期臨床試驗。
由開拓藥業股價因為呢單消息咁樣升法，你就估到「目無髮己」對男人嚟講係幾咁痛苦！由
網上搵到今年２月關於男性脫髮嘅資訊顯示，中國有超過兩成男性受脫髮困擾，北京市就佔咗四
分之一，而且患者年輕化，壓力係常見原因，另外亦受到環境影響，例如化學生產基地、電腦幅
射、手機同無線電訊號，仲有大氣氧化因素。
據國家衛健委調查，２０２０年中國脫髮人口就達到２﹒５億，其中男性佔咗１﹒６４億，
仲話零零後已加入脫髮大軍！舊年就有統計話，以全球計，捷克全國近４３％男性已經或開始脫
髮，排名第一。第二位係西班牙；第三係德國，而英、法、意等其他歐洲國家，男性脫髮比例都
高過３９％！
開拓藥業近年持續虧損，舊年全年仲蝕超過１０﹒６億人仔！股價就由舊年下半年開始一直
「潛水」，就算今朝大幅拉升，支陽燭都唔係好明顯。隻股喺２０２０年５月２２日以
２０﹒１５銀上市，最高見過８９銀，以今日高位１﹒１１銀同招股價比較，市值蒸發９５％，
開拓藥業自己都可謂甩到毛都唔多條，呢鋪仲唔係你脫髮、我脫貧？！中長線可以睇好，現價買
得啦！目標上望１５銀都唔係好過分啫！（ｐｃ）
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
