按盤價 
《魚缸博客》尋晚美股三大指數個別發展，道指大升５２０點或接近１﹒５％，標指就微升
１７點，納指就跌３２點，真係各行各路。
不過，近期聯儲局官員嘅言論，反映局內貨幣政策立場都幾分歧。亞特蘭大聯儲銀行行長波
斯提克支持沃勒的立場，認為通脹正在穩定降溫。不過，里奇蒙聯儲銀行行長巴金就認為，尚未
有足夠降溫跡象，決策者應保留加息選項。聯儲局最新公布嘅褐皮書，亦指今年秋季美國經濟增
長放緩，各地商業活動停滯。市場係咪過早炒減息呢？
或者係因為美國貨幣決策當局都未知點做，所以港股都唔跟道指升，今朝恒指開報
１６９８５，微跌８點，最低見過１６９１１，最多跌１３１點，之後彈番些少，不過就未上得
番萬七點。其實依家市場不論係講會穿萬七，或者跌至１６８００，都係百零二百點嘅事，話咁
快就到啦，點解唔殺落去？黃雀在後嘛，要做落去都要博亂先得，兵荒馬亂、人心虛怯時先有效
果，但我始終認為，恒指已屆跌浪尾聲，最尾一浸可能嚟得快且突然，我就唔建議追沽喇！
今日個股講下石藥（０１０９３）。集團公布，自主研發的化學１類新藥「ＳＹＨ２０５３
注射液」已獲得國家藥監局批准，可以喺內地開展臨床試驗。該產品是一款通過偶聯乙醯半乳糖
胺（ＧａｌＮＡｃ）實現肝臟靶向遞送嘅雙鏈小干擾ＲＮＡ藥物（ｓｉＲＮＡ藥物），用於治療
成人原發性高膽固醇血症或混合型血脂異常。集團話，臨床前研究顯示，該藥物活性作用時間明
顯長於同類型ｓｉＲＮＡ產品，並具有良好嘅安全性，極具臨床開發價值。
石藥截至今年６月３０日止中期業績，股東應佔溢利逾２９﹒６６億人仔，近年派息持續增
加，去年度全年派息０﹒２１港銀，本年度中期息０﹒１４港銀，現時預測息率只有２﹒５厘，
因為股價已經由今年１０月初最低５﹒２銀升至今朝最高７﹒３６銀，位於藍籌升幅榜首，技術
上亦突破２５０天線（現約７﹒１５），如果有機會試番橫行底６﹒７５銀先入更加好啦，而且
股價已經接近舊年１１月以來最大跌幅嘅５０％反彈位７﹒６５銀，就算跌唔到咁低，７銀應該
會見番，暫時唔需要高追，不過目標都係望住８銀先！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】政府宣布垃圾徵費暫緩，未來將繼續推廣回收及減廢，你認為幾時先係垃圾徵費嘅時機？► 立即投票
