RSS訂閱 《笑傲缸湖》印度呢個神奇嘅國度盈盈就真係好少去，加上而家中印衝突，都係留係屋企安
全啲。不過聽聞，近排有位瑜珈大師拉姆德夫，佢間公司創立一種「新冠療法」，而呢種療法嘅
藥品，治癒率高達百份百，唔通真係咁神奇？
之不過呢隻名為「Ｃｏｒｏｎｉｌ」嘅藥品，推出幾日後就被度馬哈拉施特拉邦Ｂａｎ咗！
因為當地政府話唔允許銷售假藥，其中內政部長話，唔知隻藥有無做過臨床試驗，要求推出藥品
嘅「Ｐａｔａｎｊａｌｉ」公司，提供關於藥物、試驗同樣本量嘅詳細信息畀政府。
等等先，拉姆德夫其實係邊位？睇返資料，原來佢係國內都有唔少粉絲，２０１１年曾經參
加過政府反貪腐運動，係數千名市民面前開展「絕食到死」嘅運動，同時建議大家係抗爭期間做
多啲瑜珈，唔通真係瑜珈救國？
講起瑜珈，拉姆德夫曾經講過，瑜珈可以醫到癌症同愛滋病，佢甚至認為同性戀都係病，而
且練瑜珈係可以醫好呢一種病！真係聽完得啖笑，不過據稱「Ｃｏｒｏｎｉｌ」其實只係一種草
藥，拉姆德夫聲稱話３至７日內可以完全治療，而且研究２８０名患者入面無人死亡。
呢套「新冠藥品」套裝，售價只係５４５盧比，折合人民幣５０﹒９元，而且可以食足３０
日，不過效果成疑，信唔信就真係隨便你啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
