RSS訂閱 《笑傲缸湖》全民派１萬蚊嘅申請經已喺噚日（２１日）開始咗啦！大家又申請咗未呢？盈
盈唔知道呢１萬蚊對大家嚟講夠唔夠使，但盈盈噚日行街街嘅時候就見到好多人出街買嘢，啲Ｓ
ａｌｅｓ見有返客仔個個都精神哂！除咗啲大商戶有生意做，中小企都唔輸蝕做返多啲生意啦！
畢竟之前疫情影響，佢哋真係無哂生意做，甚至經營都有困難。但喺唔緊要，迎難之上，中小企
依家除咗有政府扶助發展之外，亦有唔少大商戶提供配合服務，令佢哋喺逆市之中得到唔少支援
。
如果要講香江中小企發展，除咗有政府「創業快綫」給予中小企融資，同埋政府推出有關嘅
紓困措施之外，最近都有大商戶發揮助力去幫中小企創造更多生意空間，就好似有獅子銀行最新
推出商業遙距開戶去幫助中小企隨時開返個商業戶口，不但可以唔使交實體文件同簽名之餘，快
到大約２日就已經可以開到戶口，避免咗好繁復嘅申請程序，啱哂靈活度高嘅中小企！
喺香江之外嘅地區，各個政府都有唔少扶助中小企發展嘅措施，就好似喺印度，就有政策話
會開立一個網站可以幫到中小企用更簡化同埋加快申請銀行貸款嘅程序，據知喺當地哥印拜陀地
區就有成１５萬間中小企，加埋足足有１５０萭個工人飯碗！
中小企向來喺每個經濟社會最主要組成部分，喺呢次疫情最受打擊，只要各地政府同埋大型
企業可以出力幫助，盈盈相信一眾中小企嚟緊真喺可以疫境發圍啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
