RSS訂閱 《笑傲缸湖》近日，被《華爾街日報》評為花旗國服務排名第一嘅航空公司達美航空
（Ｄｅｌｔａ Ａｉｒ Ｌｉｎｅｓ），公布會拿出上年稅前近兩成五嘅利潤，用嚟獎勵員工。
達美航空上年稅前利潤６２億美金，如果係兩成五的話就係約１６億美金，分攤到每一位員工到
大概每人可以攞到一張相當於年薪１７巴仙嘅支票，約等於兩個月嘅人工。真係睇到盈盈都好葡
萄。
作為花旗國第二大航空公司，達美航空去年嘅表現喺眾多航空公司入面係十分突出了。因為
自上年３月中，波音７３７ ＭＡＸ客機被禁飛，唔少航空公司都損失慘重，好彩達美航空並無
該款機型，２０１９年第四季盈利達１０﹒９９億美金按年升近８巴仙，而全年盈利４７﹒６７
億美金增長都有兩成一。除咗業績亮麗，佢嘅股價都有受到缸友追捧，單單喺公布成績個日就彈
起４巴仙，而喺過去一年佢股價更是漲近三成，仲跑贏標普５００指數。
可能有好多人就諗，應該係公司上年大賺咗一筆，先分部分利潤出嘅派畀員工，但原來達美
航空２００７年開始就有呢個傳統。由於企業同員工分歧激烈，喺２００４年達美正處於破產保
護，直至２００７年先走出困境，並開始決心改變現狀，並開始每年將公司稅前利潤和管理薪酬
的１０巴仙以獎金嘅形式發放給員工。因為依個傳統，不但救咗達美航空，仲逐漸喺行業入面恢
復口碑。
不過值得一提的係，雖然達美航空每年都會派錢，但係今次１６億美金卻是紀錄最多。達美
航空幾萬名員工將喺２月１４日情人節就會分享到依１６億美金嘅獎金。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
