《笑傲缸湖》近幾年嘅11月11日,可以話係盈盈最期待嘅日子之一,因為呢日係阿里巴
巴搞嘅「雙11購物狂歡節」,身為購物狂嘅盈盈點可以錯過呢!話說阿里巴巴「雙11」認真
厲害,年年係度破成交紀錄,成交額簡直多到你唔信呀!
阿巴舊年「雙11」全球成交破千億人仔嘅紀錄就用咗1小時47分鐘,已經睇到盈盈嘩嘩
聲,但今年仲勁,只係用咗1小時3分鐘59秒就已經突破千億成交,快到唔敢信!而今年突破
2000億人仔,耗時約14小時21分,比上日足足快8個鐘頭。
舊年「雙11」阿里巴巴銷售額增長27巴仙,總成交額達到2135億人仔,睇嚟今年突
破無咩難度,睇下今年增長幅度有幾多啦。
其實,大家狂歡還狂歡,盈盈覺得大家買東西要量力而為,唔好因為好似D嘢平咗D就盲目
咁搶,其實咁可能會仲浪費錢,最後發覺買D嘢唔等使浪費咗就唔好啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情