RSS訂閱 《笑傲缸湖》據統計，歐洲魚毛交易所嘅交易時間可以話係全世界最長。以米字國嘅倫敦交
易所為例，佢地魚缸開市時間係由早上８點到下午四點半，足足有成８個半鐘咁長。而喺亞洲，
通常嘅交易時間係６個鐘，而美國則係６個半鐘。可以話歐洲魚缸比其他魚缸開多差唔多２個鐘
，咁樣睇嚟香江個魚缸都唔係開得好長姐。
而最近歐洲金融市場協會（ＡＦＭＥ）就出嚟投訴話，依個交易時間唔合理，雖然作為世界
上交易時間最長嘅魚缸，但就無帶畀缸友、投資者或公司實質性利益。為此，倫交所就話考慮減
少９０分鐘嘅交易時間，希望可以改善交易員嘅心理狀況，同埋吸引更多嘅女性工作者加入，以
洗脫作為一個高壓力且長時間工作環境嘅印象。
倫交所依個決定一出，遊說團體就急急腳寫信畀其他九間歐洲嘅交易所，包括德國嘅德意志
交易所同埋喺阿姆斯特丹嘅泛歐交易所，就話希望佢地都一齊學習一下米字國，齊齊減少交易時
間。
有機構統計，如果每日按朝八晚四半，再加上喺開市前後所需嘅額外時間，平均交易者每個
星期工作約６０個鐘。ＡＦＭＥ同Ｔｈｅ Ｉｎｖｅｓｔｍｅｎｔ
Ａｓｓｏｃｉａｔｉｏｎ（ＩＡ）都表示，漫長嘅工作時間會畀員工心理健康帶嚟壓力。另外，
都有人話減少交易時間仲有可能提高歐洲魚缸嘅效率，你諗下原本８個半鐘做少咗個半鐘，你掃
貨嘅動作都要快，自自然魚缸嘅活躍度就提升了。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
