話說今日隻泉峯控股(02285)表現亮麗,一下抽高兩成。
近期公司公布業績,營業額13.75億美元,同比跌30.9%。盈轉虧蝕3713.7萬美元,上年同期賺1.39億美元;每股虧損7美仙。
不過有趣嘅地方係,公司派特別息3.54美仙(相當於27.64港仙),而去年同期末期息都只係7.18美仙(相當於56港仙)。
無末期息但派特別息,叫做跌左個橙執翻個桔,睇你點解讀。不過博客認為,公司有能力派得特別息,即係睇好未來前景,唔太需要Keep太多Cash flow係倉,情願益下股東(包括老細自己),縱使業績盈轉虧,都對股價有支持作用。
睇睇浙商證券點分析,佢認為短期來看,庫存擾動漸消疊加需求觸底回暖,訂單有望恢復。據北美核心商超渠道沃爾瑪、家得寶、勞氏2023年年報顯示,三家庫存同比分別降低-3%/-15.7%/-8.8%,北美商超渠道去庫或已進入尾聲。
所以股價由11蚊炒上20蚊係有原因,特別公司業務係美國,目前美國通脹同消費力都Keep到,預計對公司去庫存有正面作用,如果跌穿20蚊都可以嘗試溝貨,而家20蚊呢個水平入定一注睇門口都可以考慮下!《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情