《小傳日記》面對神州嘅消費信心薄弱，阿爺一直都努力擴大內需，最新今日金融監管總局
下發《關於金融支持恢復和擴大消費的通知》，引導各類金融機構深耕消費金融細分市場，開發
多元消費場景，提升零售服務質量。其中支持擴大汽車消費，包括優化汽車貸款政策、簡化汽車
貸款流程、豐富汽車金融產品供給、加大新能源汽車支持力度四方面。
不過水為財、財為水，錢始終都會流動。《彭博》報道，近年多咗人用類似地下錢莊之類嘅
方法走資去外國，目的可能係資產配置，又或者係鋪路移民。報道引述資產顧問話，除咗溫哥華
樓市同美股，近年都多咗人選舉轉移資金去新加坡。
因為神州只係容許每人每年電匯５萬美金出境，於是為咗轉移更加多嘅錢，就會用
Ｈａｗａｌａ呢種非正式嘅方法來匯錢出去。Ｈａｗａｌａ係源於印度嘅資金轉移制度，實現唔
實制轉移資金但又可以將財富轉移，方法係身在Ａ地轉移方轉錢畀Ａ地中介，Ａ地中介聯絡Ｂ地
中介確認收款，Ｂ地中介就畀錢畀Ｂ地接收方，而兩地中介只能講求互信來確認日後嘅錢銀交易
，但係轉移方同接收方就可以實現非匯錢方式財富轉移。
因為呢種方式可以避開監管，所以神州有關當局都會打擊呢類疑似地下錢莊。雖然估計唔到
呢一行嘅規模究竟有幾大，不過《彭博》報道提到國家外滙管理局，２０２１年曾經破獲一個喺
甘肅嘅特大地下錢莊案件，涉款有成７５６億人仔，由五個組織組成嘅網絡遍及神州各省，經
８０００幾個帳戶進行交易。
報道又引述學者預計，今年全年可能會有成１５００億美金嘅錢由神州境內流出，即係差唔
多１﹒０９萬億人仔或者１﹒１７萬億港紙！所以點解恒大（０３３３３）許家印一直無事，但
係一涉及疑似走錢就即刻被拉，喺阿爺來睇，負債幾高都唔及走錢事大，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
【你點睇】中央接連推出惠港措拖，你認為是否能刺激香港經濟？► 立即投票
