《小傳日記》今朝日本公布，最快今個星期四就會開始將核廢水排海。而香港方面，政府噚
日就已經宣布禁止日本１０個都縣嘅水產品入口。
核廢水排入海令到全地球都人心惶惶，不過日本政府一直強調，核廢水排海前會先經過過濾
同稀釋，將核廢水濃度降到去日本標準嘅１╱４０，以及世衛規定嘅飲用水標準１╱７，先至會
排海。東電方面就話，核廢水會先經多核素去除裝置（ＡＬＰＳ），過濾走６２種放射性物質，
而其中只有氚去除唔到。
氚係氫嘅同位素，會出現 衰變，所以會有一定放射性，不過由於 衰變只會放出高速移動
嘅電子，穿唔過人，被視為一種比較柔和嘅輻射，一層膠或者人類皮膚都可以阻隔多數輻射，只
有大量吸入氚先會對人體有害。
日本政府方面話排海嘅核廢水只會含有氚呢種放射物質，有意見就覺得東電將視線集中喺氚
，而使走對其他放射物質嘅注意力。如果真係如東電話齋，核廢水真係得氚有放射性，而對人體
危險程度亦都唔高，就真係好似無想像中咁危險。
不過好似環境及生態局局長謝展寰所講，呢次係人類史無前例嘅情況，雖然氚對人體危害相
對其他放射性物質為低，不過對於海洋生物就未必一樣講法，對人無害，唔代表對環境無害。始
終海洋從來未試過有咁大量嘅氚出現，動物以至環境嘅適應性都有待觀察，因為氚係有可能喺海
洋生物體內累積，所以影響可能會數十年計先會出現。
以科學角度來睇就無想像中咁危險，歐盟都取消日本水產嘅入口禁令，如果之後真係為證實
無事，可能香港都可以有得食返，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
《說說心理話》情緒勒索任何關係均有機會發生 如何走出情緒勒索循環？► 即睇
