《小傳日記》呢兩日香江忽然興起潑墨塗鴉，除咗美國領事館被人噴大字之外，ＢＹＤ
（０１２１１）新開嘅幾間ｓｈｏｗ ｒｏｏｍ都被人潑紅油。今日ＢＹＤ總代理聯大就話，傷
勢較輕嘅灣仔店同尖沙咀店已經完成復修，連埋天水圍４Ｓ店都可以繼續運作，可以繼續新車交
付同售後服務，但係連道閘都俾
人撞爛嘅元朗店就就未整返好道閘，要到今個禮拜尾先可以開返。
據聯大方面估計，當年爭代理嘅時候，完全無其他公司一齊爭，所以應該唔會係其他公司眼
紅報復。反而就覺得係近期ＢＹＤ喺香江積極拓展，可能影響其他本地車行，懷疑係其他行家針
對ＢＹＤ，甚至係國產車市場，話被人淋紅油完全係意料之外。
近期ＢＹＤ都好積極打開神州以外市場，除咗ＴＶＢ台慶出咗架車出嚟抽大獎之外，喺香江
都多咗好多曝光率。除咗香江，ＢＹＤ嘅歐洲市場都係如火如荼，除咗之前傾緊開廠，最近有外
媒報道，ＢＹＤ將會喺法國出５款新車，最快今個月內就會向法國代理商交付第一批車。據講
ＢＹＤ想今年內喺法國開到１５至２０個銷售點，最終希望單係法國就可以開到１００間門市。
睇返個價，ＢＹＤ可以話愈淋紅油就愈紅，今日高見２５８﹒４銀，再創２月以來新高，正
式企穩２５５銀阻力水平之上，如果今晚美國ＣＰＩ唔出意外，就可望挑戰今年高位２６８銀！
所以無論買股定買車，ＢＹＤ都係唔錯嘅選擇，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
【你點睇】卓林普經優才計劃成為香港居民，桌總冀當局放寬16歲以下青少年進入桌球室限制助年輕人接觸桌球，你是否認同？► 立即投票
