《小傳日記》話說早排就傳神州ＡＩ公司出門問問要落嚟敲鑼，最新就見到出門問問已經遞
咗招股書，籌幾錢都仲未知，不過聯席保薦人嗰欄就見到係之前傳嘅中金同招銀國際。
睇返融資情況，由天使輪到Ｄ輪，融資金額最少應該超過２億美金，投資機構包括紅杉、大
眾汽車同埋Ｇｏｏｇｌｅ Ｖｅｎｔｕｒｅｓ。當中Ｇｏｏｇｌｅ同出門問問嘅關係都唔淺，除
咗參與Ｃ輪融資，老闆李志飛都曾經係Ｇｏｏｇｌｅ總部科學家。
雖然融資機構間間響噹噹，不過科技公司初期都難免蝕錢，由２０２０年賺５６００萬人仔
，到２０２２年要蝕６﹒７億人仔，所以公司都好急於搞ＩＰＯ籌錢融資。
聽曬上面嘅嘢可能都唔係好知呢間出門問問，不過聽「聲」可能就會易認啲。出門問問旗下
最出名就係魔音工坊，魔音工坊係一個ＡＩ影音剪輯神器，最犀利就係可以ＡＩ配音，打好條稿
掟上去就可以自動生成錄音檔。而且唔係單一嘅ＡＩ聲，而係可以揀用男男女女，咩類型咩角色
嘅聲都有。
而最常見會聽到呢啲聲嘅平台，就係碌ＩＧ Ｒｅｅｌｓ，或者抖音等等短視頻嘅時候，通
常一啲「ＸＸ講電影」就會用到呢啲ＡＩ配音，譬如「注意看」呢類開場白通常都係ＡＩ配音。
而呢類剪輯電影劇集嘅片隨著短視頻興起愈來愈多，為咗更加量產呢類可以短時間收獲極高流量
嘅片種，好多內容生產者都好樂於用魔音工坊來生成ＡＩ配音，將一套電影或者劇集片段剪好，
上條ＡＩ聲再加字幕，就已經搞掂一條片。所以當短視頻越流行，魔音工坊呢類ＡＩ配音平台就
越吃香。
不過單係魔音工坊嘅面向只係一般短視頻創作者，要擴大收入都係唔夠，所以出門問問都積
極發展ＡＩＧＣ，即係ＣｈａｔＧＰＴ式嘅ＡＩ對答模型。不過百度（０９８８８）、商湯
（０１０２４）等等科技大佬都搞緊，出門問問又有咩能耐可以爭得過，就真係要再留意，請請
！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
夏日中暑高風險！即睇中暑迷思＋預防措施！► 立即了解
