《財經人語》長實盤叫「海之戀」誠哥拍板；記招播霧之戀食花之戀

　　長實地產今日搞咗個記者會，公布荃灣西鐵站上蓋新盤個名，記者會現場音樂就一直播住譚校長的經典金曲「霧之戀」，原來係要襯托返個樓盤叫做「海之戀」！
　　高級營業經理封海倫在台上仲話，今日午餐特別吃了「花之戀」（壽司），項目名稱的由來除咗係由於大部分單位都望到海景之外，亦希望表達到該盤係一個「充滿愛嘅樓盤」！
　　長實執行董事趙國雄就認為，個樓盤名幾有意思，係公司集體創作，而且得到老闆誠哥「拍板」，希望社會多啲愛心。「海之戀」可以喺唔同角度同唔同層面表達對香港同埋對家庭嘅愛。
　　老趙仲話，等拎埋預售樓花同意書後，會再逐步揭曉「海之戀」的原意。唔通個盤會推折扣優惠俾啲新婚首置客？