今年特首林鄭月娥《施政報告》入面睇到唔少創科嘅政策，尤其係想培育年輕創科人才。近來Ｆｉｎｔｅｃｈ都算係討論嘅熱話，咁啱數碼港就有個「數碼港．大學合作夥伴計劃」（ＣＵＰＰ）今日就輪到班學生去Ｐｉｔｃｈ一班評判加未來投資者。創科局副局長鍾偉強，就話自己雖然係官，但其實都一樣學緊點樣去Ｐｉｔｃｈ唔同嘅人！今次可以講真係「同行」喇
！
＊有得去史丹福大學上堂恨死人喇！＊
話說呢個計劃係想等班大學生試吓用科技創業，唔係齋Ｔａｌｋ係堅畀Ｓｕｐｐｏｒｔ！一行成５９個同學仔今年仲有得去美國矽谷參加創業營，除咗去史丹福大學上堂外，話明今年
ＦｉｎＴｅｃｈ做主題，梗喺唔少得去參觀Ｃｉｔｉ Ｉｎｎｏｖａｔｉｏｎ Ｌａｂｓ、
Ｎａｓｄａｑ Ｅｎｔｒｅｐｒｅｎｅｕｒｉａｌ Ｃｅｎｔｅｒ、ＲｅａｄＷｒｉｔｅ
Ｌａｂｓ Ｎｅｔｗｏｒｋｉｎｇ Ｌｕｎｃｈ、Ｗｅｌｌｓ Ｆａｒｇｏ Ｓｔａｒｔｕｐ
（Ｆｉｎｔｅｃｈ） Ａｃｃｅｌｅｒａｔｏｒ。齋聽都羨慕死Ｊｅｎｎｙ喇！點解小妹當年讀書冇呢啲計劃？（又可能有，但唔知。）
＊Ｐｉｔｃｈ唔使驚，偉強喺大廳！＊
今日就係班學生嘅ＤｅｍｏＤａｙ，即係去Ｐｉｔｃｈ一班評判加未來投資者，獲得青睞嗰１０隊就會有１０萬蚊種子基金同創業培訓機會。Ｊｅｎｎｙ就覺得喺香港咩都貴，要創業１０萬蚊真係唔夠使，與其１０隊每隊１０萬，不如揀５隊每隊２０萬啦！好似開心啲噃！
今日都有出席嘅創科局副局長鍾偉強，話自己做咗副局長之後，因為《施政報告》提出咗唔少創科政策，都要周圍去同私人機構Ｓｅｌｌ橋，就好似啲學生咁樣，所以佢同學生一樣都係學緊點樣去Ｐｉｔｃｈ。唔使驚，偉強喺大廳！
＊區塊鏈融資平台，連投行都有興趣＊
Ｊｅｎｎｙ同其中兩隊參賽者傾過，分別係來自科大嘅「ＬＥＶＥＲＵＳ」同埋來自城大嘅「Ｆｕｎｄ２Ｐｌａｙ」。佢哋都好有諗頭㗎！好似「ＬＥＶＥＲＵＳ」咁，佢哋就係利用區塊鏈技術去做一個畀對沖基金融資嘅平台；「Ｆｕｎｄ２Ｐｌａｙ」就會透過人工智能同聊天機器去幫保險公司賣旅遊保。其中「ＬＥＶＥＲＵＳ」已有銀行嘅投行部門對佢哋個平台表示有興趣
！不得了！
同學仔仲大讚史丹福大學有一個好好創業環境添！咪住！即係香港嘅大學畀唔到呢個環境你哋？同學仔都好識做咁話，香港讀書係長時間，同去史丹福上密集式上堂係兩回事，唔可以就咁比較嘅！Ｊｅｎｎｙ覺得呢班同學仔轉數都幾快，將來一定都有一番作為嘅！
《Ｊｅｎｎｙ Ｙｉｎ》
夏日中暑高風險！即睇中暑迷思＋預防措施！► 立即了解
41,198.08
5,588.27
