RSS訂閱 《笑傲缸湖》話說Ｎ年前盈盈仲有玩下《Ｐｏｋｅｍｏｎ ＧＯ！》（寶可夢），新屎坑都
有三日香，所以盈盈真係玩左三日咁大把。但不論寶島定係香江，都有一班老友記，力捧呢隻遊
戲，因為７月分呢隻Ｇａｍｅ推出「火箭隊入侵」活動，令到遊戲公司單係８月收入就高達
１﹒１億（美金．下同），按年大升４４％！
自「火箭隊入侵」以來，隻ＧＡＭＥ喺蘋果Ａｐｐ排名又突然爆升，直到８月４日又去返首
位下載榜；連埋安卓Ｇｏｏｇｌｅ Ｐｌａｙ玩家計算，單單８月就新增５７０萬個玩家。而８
月份遊戲收入榜入面，《ＰＵＢＧ╱和平菁英》排第一（１﹒６億銀），
《Ｆａｔｅ╱Ｇｒａｎｄ Ｏｒｄｅｒ》排第二（１﹒５９億銀），《王者榮耀》排第三
（１﹒４１億元），《Ｐｏｋｅｍｏｎ ＧＯ！》就排第四啦！
點解佢仲咁多人玩呢？因為遊戲開發商Ｎｉａｎｔｉｃ好識搞合作，同世界各地地標搞
Ｃｒｏｓｓｏｖｅｒ，遊客又會特登去果個景點，特登捉一啲當地先有嘅小精靈。例如寶島新北
市合作，喺全個市６０個景點都有「期間限定」小精靈，除左可以推動當地旅遊業發展，又可以
間接幫呢隻Ｇａｍｅ宣傳，互惠互利。
但因為小精靈係隨機向地圖上產生，所以有時候都會影響到市民。有好多「訓練師」為左想
捉小精靈，都會擅闖私人土地貨或危險地方。有班人嬲嬲地就對遊戲開發商Ｎｉａｎｔｉｃ進行
集體訴訟，３年後今日終於有判決，公司需要向１２個人每人賠１０００元同埋和解費用，而且
公司仲要開一個網站俾人投訴，如果有家庭受到騷擾公司就會立即處理。
盈盈就覺得啦，呢隻Ｇａｍｅ原意係好，係希望想大家可以行出去條街上面玩，同一啲陌生
人合作打野外怪或者道館，但如果傷害到其他人嘅安寧，咁就唔鼓勵啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
