《魚缸博客》傳４月恢復進口澳洲煤炭，兗澳３０銀可考慮部署

　　《魚缸博客》魚缸早排就炒緊堆電力股，主要都係同保供電有關，反而之前冬季必炒嘅煤炭
股相對有啲落後，可能係今個冬季仲喺疫情期間，相對工業生產無咁多，變相工業用電量少咗，
發電壓力無咁大就令到煤炭股唔係好炒。
　　不過阿拉爺要經濟恢復，未來都要鼓勵各行各業復常。國資委就要求，發電企業要將能源保
供特別債資金用好，多存煤、存好煤，確保頂峰發電有煤用、不停機；要喺集團範圍內高效統籌
資源，支持所屬西南、東北等地電廠應發盡發、能發滿發。
　　為咗加大返發電量，據報阿爺正係討論恢復澳洲進口煤炭，外媒報道知情人士透露，發改委
１月３號已經同部分電力和鋼鐵企業開會，討論咗恢復澳洲煤炭進口一事，有傳澳洲煤禁令最快
可能４月１號就會撤銷。
　　如果真係取消，兗澳（０３６６８）都有望可以炒吓兼追吓落後。噚日有消息就即時炒起咗
３％，今日回落都唔算跌好多，建議３０銀附近可以部署，目標睇住３５銀先。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。