《魚缸博客》復常概念股莎莎應佔一位，短炒要快手

　　《魚缸博客》個個都想復常，唔通真係可以復常咩？不過而家消息周圍傳，連我地特首超哥
都話明年通關係「很有現實的可能」，咁應該就真係堅啦。市場消息就話來年一月中港通關，係
咪真就聽住先啦。
　　不過關就未通之前，香港呢邊已經蠢蠢欲動，特別係個堆「復常概念股」，博客留意到莎莎
國際（００１７８）好似幾好，皆因藥房其實過去兩年都執得七七八八，要開返一街都係個種光
景，都需要一定時間。
　　但係莎莎作為本地藥妝龍頭，鋪可能少左，但並唔係消息，要擴張都比較容易，畢竟有晒供
應鏈同分銷網絡，只要一通關，一個禮拜租鋪裝修咩都搞掂，到時又開開心心賺人民幣啦！
　　睇返莎莎股價已經炒起一水，自２０１８年由５﹒６２銀開始，隨住疫情持續，股價就不停
下跌，更試過變毫子股，但係而家已經返去１﹒８３銀呢個水平，如果一通關確認，分分鐘上三
蚊都唔一定，短炒一輪值搏率都幾唔錯！所以而家有買就好買啦，下個月再入就唔係呢個光景，
小注怡情。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。