《魚缸博客》魚缸仲有個幾禮拜就半年喇，記得舊年６月之後魚缸就急劇由盛轉衰，監管、
內房債問題一單接一單。今年魚缸到而家為止，差唔多有半年都未算太強，唔知下半年會唔會係
舊年嘅反轉版，掉頭向好呢？
不過內地疫情反覆，難免令人對個市差咁啲信心，但早排神州「三頭馬車」表現都無預期咁
差，加上樓市都有少少起色。貝殼研究院數據顯示，６月上半月監測５０個城市二手樓日均成交
量都較５月日均水平多兩成，所以個市都未算太差。
復甦概念股呢輪都係隨著上面疫情而波動，但一啲低位有支持嘅個股，趁低擔定凳仔坐住先
都可以。博客今日（２２日）就睇到隻周黑鴨（０１４５８）走勢幾唔錯，呢隻就係喺神州賣鴨
肉包裝小食，全國各地都有零售分店，所以封控措施都係主導住佢嘅生意額。上年度集團營業額
升３１﹒６％至２８﹒７億人仔，純利增長１﹒３倍至３﹒４２億人仔。毛利上升３７％至
１６﹒５８億元，毛利率增加２﹒３個百分點５７﹒８％。
噚日（２１日）周黑鴨係舊年１２月以來首次突破１００天線線，今日稍為回落但係喺
１００天線上面都有買盤支持，博客建議觀望多一至兩日，無再穿１００天線就可以買少少，初
步目標上望６銀，跌穿４﹒１銀就要走先！
《編者按》本欄搜羅即市傳聞，惟消息未經證實，《經濟通》亦不保證內容之準確性。
想要獨家投資理財Tips？即Like etnet 全新Facebook專頁► 立即讚好
