《魚缸博客》魚缸近排走勢真係強，外圍度度都跌，連美股都泥足深陷，魚缸都可以跑贏甚
至有得升，強到連外資都要轉揸中概股，就知春天真係來了。
今朝神州公布咗一堆經濟數據，呢個幾月以來阿爺密集式嘅刺激經濟措施，今次嘅數據都算
係呢輪措施成效有幾高嘅「階段性成績表」。結果都無辜負呢段時間嘅努力，算係開始有少少成
績，其中５月工業生產按年升０﹒７％，好過預期的跌０﹒９％；另外，５月零售銷售按年跌
６﹒７％，跌幅小過預期的跌７﹒１％。另外今年１至５月份，全國房地產開發投資５２１３４
億人民幣，按年減少４％，亦無預期嘅減少４﹒４％咁差。
所以今日各大板塊都都跟住升，內房、內險、汽車等走勢都唔錯。既然經濟數據好，又點會
少咗科技股份？今日好多隻科技股都升高帶動大市，其中博客就吼到美團（０３６９０）走勢唔
錯，一步步向上修復，相信經濟改善都會有利美團表現。尤其第二季深圳政府經美團大派消費券
，對美團第二季業績都會有一定程度嘅帶動。
美團現價徘徊喺２００銀水平，算係唔錯嘅買入位，而６月以來都未再跌返穿廿天線１８０
銀，短線都可以睇返做支持先，兩個月內有望挑戰２５０天牛熊線２２３銀水平，有無得再上就
要睇吓第二季業績點喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【雙11感謝祭】雙重優惠、多買多賞► 了解詳情
