《魚缸博客》今日（１４日）博客同大家睇潤地（０１１０９），集團公布５月合同銷售
２０３﹒２億人仔，按年跌１９％，總合同銷售建築面積約９５﹒５萬平方米，按年跌
３２﹒５％。至於截至今年５月底止五個月，累計合同銷售金額約８１３﹒５億人仔，按年跌
３５﹒５％，總合同銷售建築面積約４１５﹒６萬平方米，按年跌４２﹒４％。
成個５月做得好少少嘅係投資物業實現租金收入，有約１７﹒２億元，按年增長８﹒９％，
而今年累計投資物業實現租金收入約８０﹒８億元，按年增長１３﹒４％。
內房板牌呢排都弱過藥煲，多間房企銷售數字唔理想，龍湖（００９６０）今年頭５個月合
同銷售按年跌６３﹒８％到４０４﹒９億人仔，單計５月都按年跌６９﹒３％到９０﹒６億人仔
，再加埋房企受債務問題纏身，見到多隻內房股５月份表現唔算好。
至於潤地今日高開０﹒６２％後轉跌，但跌幅唔算好多。睇番日線圖，股價今日暫時低見
３２﹒４銀，同噚日低位３２﹒４５銀只係穿咗啲啲，而現價愈嚟愈近５月１３號低位３１﹒６
銀，而３月１６號大升近１２％嗰日嘅低位係３１﹒６５銀，即係話３１﹒６銀係個幾重要嘅支
持位，好大機會形成「三底」形態。依家９ ＲＳＩ跌到３２﹒７，進一步向超賣區進發，大家
可以留意呢幾日守唔守得住３１﹒６銀，守得住嘅話可以小注博反彈，目標睇３３﹒８銀，如果
跌穿年內低位３０﹒５銀就止蝕。
《編者按》本欄搜羅即市傳聞，惟消息未經證實，《經濟通》亦不保證內容之準確性。
想要獨家投資理財Tips？即Like etnet 全新Facebook專頁► 立即讚好
