《魚缸博客》今日博客同大家睇下領展（００８２３），相信唔少人會擺呢隻房託股做收息
股，最新公布嘅業績又表現成點呢？
領展截至今年３月底止全年分派總額按年升６﹒８％，末期每基金單位分派１﹒４６０８元
，雖然分派增幅唔算非常大，但對唔少揸住領展嘅朋友嚟講，能夠增加分派絕對係個好消息！業
務方面，領展期內收益同物業收入淨額分別按年升８％及６﹒５％，年內投資物業組合的估值都
增長６﹒９％，主要因為資產收購同匯兌收益。特別留意香港零售物業組合租用率去到
９７﹒７％，按年升０﹒９個百分點，而續租租金調整率４﹒８％，按年由負轉正。
另一方面，第五波疫情無阻領展喺香港嘅物業有超過６６０份新租約簽訂。集團話，領展商
戶年內受影響較小，商戶每平方呎零售銷售總額按年錄得７﹒８％穩定增長，未來會持續評估疫
情進展，以幫助商戶應對挑戰。
呢份業績出咗後，大行意見都有啲分歧。花旗就將目標價由８９﹒８銀下調２﹒９％到
８７﹒２銀，但重申領展係其中一隻首選股，認為集團可以喺２０２２至２５年實現４％嘅每基
金單位分派複合年增長率。瑞銀就認為，香港３同４月食品通脹率分別係４﹒６％同４％，有利
喺領展租戶嘅銷售，因為集團喺食品相關交易佔比高達６７％，而同３年前相比，食品通脹率已
經升咗１１％。該行將領展目標價由８２銀調高到８４﹒３銀，並重申「買入」評級。
事實上，以噚日收市價計，領展今年內累積上升３﹒７％，雖然升幅唔算好大，但目前已經
跑贏大市。今次增加分派，業務表現亦好穩定，博客仍然覺得佢係一隻好適合長揸嘅股票。當然
，股價由３月初低位５９﹒７５銀升到今日暫時最高位（直至發稿前）７１﹒９５銀，呢到都升
咗兩成喇，喺７２銀似乎有啲阻力。本身領展係一隻防守性股票，無咩對公司有重大影響嘅負面
出嚟嘅話，就算下跌，每日跌幅都唔會好大，未有貨嘅朋友想賺息又賺價，可以等股價回到６９
銀開始分階段吸納，收市跌穿５９銀先至止蝕離場。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】中央接連推出惠港措拖，你認為是否能刺激香港經濟？► 立即投票
