《魚缸博客》魚缸今朝曾經升超過６００點，主要因為阿里巴巴（０９９８８）公布咗季績
，表現唔係想像中咁差。
阿里巴巴今年第一季純利６１９﹒５９億人仔，按年跌５９％，主要因為所持上市公司股權
投資嘅市價下跌而錄得損失。不過，期內收入按年升８﹒８％到２０４０﹒５２億人仔，經調整
淨利潤１９７﹒９９億人仔，按年跌２４％，都好過預期。特別留意國際商業同菜鳥業務虧損擴
大，但係雲業務由虧轉賺２﹒７６億人仔，本地生活業務嘅虧損亦收窄。
單講第四季度，阿里巴巴虧損１６２﹒４１億人仔，比舊年同期虧損５４﹒８億元有所擴大
。公司就話，疫情衝擊令４月整體收入錄得個位數倒退，並考慮到疫情風險同不確定性，所以唔
會喺新財年初提供財務指引，但係相信繼續創造強勁經營現金流。
雖然疫情持續打擊內地經濟，再加埋監管政策陰霾，巴巴當然苦過「弟弟」，但係５月下旬
內地物流快速恢復，嚟緊有意加「６１８」購物節活動嘅商家數目錄得按年增長，相信都會為巴
巴呢類電商股帶嚟些微甜頭。仲有，公司ＣＥＯ張勇預期，雲業務可以喺未來幾年增長２至３倍
，都為缸友帶嚟喜訊。
隔晚巴巴美股同ＡＤＲ都升超過１４％，Ｈ股就高開１２％。喺日線圖，１０天同２０天線
都向上升，保歷加通道頂部都底部都開始向上升，短線嚟講仲值唔值博呢？博客覺得依家始終係
加息周期，對科技股本身都唔太有利，缸友都偏好高息股，巴巴呢類高估值兼低息嘅股票，未必
係佢哋杯茶，部署上都係炒下波幅算。
巴巴今日裂口高開，如果收市嗰陣顯示係陰燭，反映先開高、後低走嘅形勢，下星期可能會
調整下，博客建議大家可以等股價回到８５銀左右吸納，而股價喺４月２９號同５月３號喺
１０３銀附近有啲阻力，大家可以喺１０３銀左右食胡。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
