《魚缸博客》魚缸近期都浮浮沉沉，已經跌得好殘，但又無乜重大好消息刺激，所以升又升
唔上，跌又跌唔落，一日熱錢未恢復信心，魚缸總成交唔上，後市都係麻麻。
不過呢啲時間博啲低殘股都係時候，反正都跌無可跌，有閒錢入定坐住先，等爆升都係一個
唔錯嘅部署。快手（０１０２４）新鮮滾熱辣放榜，第一季虧損收窄至６２﹒５億人仔，對比去
年同期蝕５７７﹒５億人仔；經調整ＥＢＩＴＤＡ虧損１５﹒５億人仔，去年同期為虧損
４９﹒３億人仔。
雖然仲係蝕緊，但係淨計收入同用戶人數都多咗；收入２１０﹒６７億人仔，按年升
２３﹒８％；毛利８７﹒８億人仔，按年升２５﹒７％；平均日活躍用戶３﹒４６億，按年升
１７％；平均月活躍用戶５﹒９８億，按年升１５％；電商交易總額１７５０﹒７６億人仔，按
年升４７﹒７％。
另外，快手同時公布同騰訊（００７００）旗下騰訊計算機訂立２０２２年遊戲合作框架協
議，可以發行、運營同分銷騰訊旗下唔同嘅ｇａｍｅ，另外騰訊仲會按快手電競隊嘅表現分獎金
畀快手。簡單嚟講就係快手同騰訊嘅遊戲業務又ｃｌｏｓｅ咗，更進一步做咗騰訊遊戲嘅代理人
。
騰訊敢喺呢個時候搞呢類遊戲相關嘅合作，證明有信心遊戲行業喺中央刺激經濟方針之下有
望逐步恢復，而今次呢個動作都算係「減磅」嘅一項，分一杯羹畀快手，都算係明益快手，所以
遊戲業復甦之後都會有快手份。
近期快手喺廿天線都有少少支持力，如果回返落去廿天線以下都買得過，上望７８銀水平。
《編者按》本欄搜羅即市傳聞，惟消息未經證實，《經濟通》亦不保證內容之準確性。
想要獨家投資理財Tips？即Like etnet 全新Facebook專頁► 立即讚好
