《魚缸博客》世界上有兩種央行，一種係以美國聯儲局為首，佢加息就大家一齊加息；另外
一種央行就係人民銀行，有理無理都照繼續放水，好似今日咁，一年期貸款市場報價利率
（ＬＰＲ）持平於３﹒７％，為連續第四個月不變，預期降５基點；５月五年期ＬＰＲ報
４﹒４５％，較４月下調１５基點，為今年１月以來首次調降，且下調幅度超市場預期。
民生銀行首席研究員溫彬就話啦，５年期以上ＬＰＲ作為中長期貸款定價的參考，其降低有
助於促進中長期貸款企穩回升，其實即係放水、放水、放水，等大家容易借錢，人民幣又繼續貶
值，可能央行心目中就係想咁呢。
央媽放水咁內銀炒邊間好？博客覺得首選就係招行（０３９６８），皆因之前上一任行長被
人拉落馬，之後股價都沉落底，而家新上馬叫「王良」，佢原本係公司執行董事、常務副行長兼
財務負責人、董事會秘書，應該熟悉招行運作，點都好過「空降」一個新人啦！
呢位王良似乎有小小料到，佢本身除左係招行有職務之外，仲係中國支付清算協會副會長、
中國銀保監會數據治理高層指導協調委員會委員、中國銀行業協會中間業務專業委員會第四屆主
任和中國金融會計學會第六屆常務理事。
消息一出之後，今日股價裂口高開，而家仲升緊半程，係４８﹒３蚊水平，博客建議可以現
價照入也可，畢竟對比起之前均價都係６０蚊左右水平，如果新行長上馬，升返呢個位都唔過分
，預計鑊氣將會持續，可以睇高一線！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】以色列遭受伊朗導彈襲擊，拜登稱不支持攻擊伊朗核設施，惟與G7領袖同意以方「合乎比例」回應，你是否認同？► 立即投票
