《魚缸博客》花旗最後都係加四分一厘，缸民個心都定晒，魚缸今朝早段又反彈過千點！俄
烏局勢暫時未惡化，嚟緊又準備季結，睇嚟魚缸要爆喇！
今日博客同大家睇下復銳醫療（０１６９６）。公司今日放榜，舊年純利約３１２５萬美金
，升１﹒３４倍。收入升８１﹒６％，至２﹒９４億美金。特別留意嘅係，全部地區都有大幅增
長。北美洲收益增加１﹒０５倍，亞太區收益增加９５﹒３％。公司解釋，主要因為新冠疫情喺
去年嘅不利影響比２０２０年細咗。毛利增加到１﹒６７億美金，多咗７６６０萬美金。毛利率
５６﹒７％，增加１個百分點。經調整純利４０３０萬美金，增加１倍，經調整純利率
１３﹒７％。呢份成績表都非常唔錯。
公司亦公布，噚日（１６日）同福州瑞克布朗醫藥科技訂立一份投資協議，投資３５００萬
人仔。據悉，福州瑞克布朗醫藥科技係一間計算機輔助美學設計、修復產品同埋獨特無創貼面專
用材料製造商，同埋創新生物玻璃嘅開發商。
公司講到，呢次投資ｏｋ咗之後，將持有福州瑞克布朗醫藥科技經擴大股權２３﹒２％，亦
會令復銳醫療牙科分部將在中國及國際市場上分銷該公司產品。集團相信，投資會令牙科分部可
以畀到美容及數字牙科解決方案，從而為牙科業務增添重大價值，另外提升喺牙科產業品牌形象
同認受性。
睇日線圖，股價由舊年７月中旬開始回落，９月份之後就ｋｅｅｐ住區間上落。今日股價受
到放榜同收購消息刺激，早段急升超過三成。１０天線跌勢已經放緩，甚至有少少向上升嘅跡象
，而ＭＡＣＤ牛差距開始擴闊，加埋近排魚缸氣氛大幅好轉，相信短期仲有啲升幅。博客覺得可
以維持炒波幅策略，短線目標睇１１銀，跌穿６﹒５銀就止蝕離場！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】東南亞藝術市場是下一個熱點？一探各地獨特及吸引之處！► 即睇
