《魚缸博客》有傳微信支付涉嫌違反洗錢規定，騰訊（００７００）可能要面臨創紀錄嘅罰
款，加埋中概科技股喺花旗繼續冧檔，魚缸開市都跌６００點。中概股不利消息愈爆愈多，魚缸
幾時先可以完成尋底呢？
今日焦點股之一係贛鋒鋰業（０１７７２），事關公司放咗榜，舊年度純利５１﹒７５億銀
人仔，升４﹒０５倍。營業收入按年增長１倍到１１１﹒６２億銀人仔，營業利潤亦按年增長４
倍到５６﹒８２億銀。值得留意嘅係，單計今年頭兩個月贛鋒鋰業賺咗１４億銀人仔，按年增長
３倍左右，舊年全年淨利潤嘅兩成七，今次成績表幾靚仔。
點解呢份成績表比再前一年好咗呢？集團就話主要受到新能源車同儲能行業快速發展，下游
客戶對鋰產品需求有強勁增長，加埋舊年鋰產品產銷量增加、產品銷售均價明顯上漲等因素刺激
。
既然有咁唔錯嘅表現，點解贛鋒鋰業股價仲呢？資金流向可能話到畀大家聽咩事。今日贛鋒
鋰業低開３％，但之後曾回升超過４％，股票主動買沽比率係５６：４４，但係大戶主動買沽比
率只有４８：５２，而目前贛鋒鋰業主動買入嘅大部分都係散戶嚟嘅。５日平均嚟講，大戶主動
買沽比率更加得４４：５６。即使基本面唔錯，睇嚟淡友都幾針對贛鋒鋰業。
日線圖睇，股價由舊年９月全年高位１８５銀開始回落，去到今日已經出現「一底低於一底
」嘅形態，上星期二跌穿埋１１０銀嘅支持位，已經超過一個星期上唔番２５０天線。股價依家
整體嚟講仲喺下降趨勢，１０至１００天線都係向緊下，可幸嘅係股價落到８５銀附近無再跌。
如果今日收市企得穩喺呢個水平，相信短期會回升，但博客覺得反彈力度唔會太大，畢竟資金流
向暫時唔太對辦，阻力位估計會喺１１０銀水平。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【etnet 30周年】多重慶祝活動一浪接一浪，好禮連環賞！ ► 即睇詳情
