《魚缸博客》噚日（２２日）公布業績嘅恒生（０００１１），今日去到午市尾段回升，但
係業績遜於預期，被大行睇淡！
恒生業績幾唔好呢？截至舊年１２月３１日止全年純利１３９﹒６億元，按年跌１６﹒３％
，較市場預期遜色。舊年每股基本盈利６﹒９３元，按年跌１７﹒１％，第四次中期股息派
１﹒８元，全年股息合共５﹒１元，比２０１９年同期５﹒５元低７﹒３％。
恒生公布業績之後，大摩畀「減持」評級，目標價１４０﹒５元。該行話，恒生前景仍然充
滿不確定性，預期利率上升會緩解淨息差壓力。該行又預期，貸款額未來會有所增加，而大灣區
同專注喺金融科技會係集團未來發展機會。
日線圖睇，股價喺１月初開始出現上升軌道，升到２月上旬高位１６９﹒５銀後有些少整固
，走勢都仲ｏｋ。去到噚日就因為業績遜預期，股價急挫一成，今朝早段都受沽壓，最低見
１４４﹒２銀，但跌幅逐步收窄。
博客認為，嚟緊美國會步入加息周期，對銀行股點都有啲幫助，而舊年全年業績唔好嘅因素
，估計過多一排會陸續消散。事實上，舊年１０月開始，股價喺１４０銀附近橫行，最低都只係
見過１３６﹒２銀，相信１４０銀係一個幾強嘅短期支持位，再大幅下跌嘅空間應該唔大，可以
喺１４０銀吸納，跌穿舊年全年低位１２７﹒９銀先離場！
《編者按》本欄搜羅即市傳聞，惟消息未經證實，《經濟通》亦不保證內容之準確性。
想要獨家投資理財Tips？即Like etnet 全新Facebook專頁► 立即讚好
