《魚缸博客》ATM頭段全面冚旗,魚缸都無神無氣,但煤炭股就發威喇!事關煤炭供應升
番,博客今日就同大家講下隻中煤(01898)。
阿爺喺微信講到,初三以嚟各個地區煤炭產量升番唔少,依家已經基本恢復到春節之前嘅水
平。阿爺仲話,全國統調電廠存煤仍然keep喺1﹒65億噸以上,比舊年同期多咗超過
4000萬噸,隨著煤炭生產恢復番,加埋供暖季用煤嘅需求跌咗,煤炭供應保障能力會進一步
增強。呢單消息一出,兗礦(01171)、神華(01088)等煤炭股keep到前幾日嘅
升勢,兗礦更加一度升超過3%。
中煤升勢無咁勁,但同樣連升三日。睇業績,截至2021年第三季度,集團營業額升
61﹒3%到1617﹒39億銀人仔,純利亦增長1﹒9倍到118﹒56億銀人仔。睇埋日
線圖,股價依家企穩喺10天同20天線之上,MACD熊差距收窄咗好多。本身業績唔錯,加
埋阿爺講嘅好消息,中煤應該仲可以借勢炒多幾日,而博客覺得中煤比兗礦同神華抵博啲。
當然,煤炭呢類資源股上落可以好大,博客覺得比較適合做超短線部署,中煤可以睇
5﹒11銀做上望目標,跌穿4﹒55銀就止蝕離場!
《編者按》本欄搜羅即市傳聞,惟消息未經證實,《經濟通》亦不保證內容之準確性。
想要獨家投資理財Tips?即Like etnet 全新Facebook專頁► 立即讚好