《小傳日記》ＡＩ開發新藥又有新玩法！臨床數據都可以取代？

　　《小傳日記》近期無乜嘢炒，魚缸悶到要喺雪櫃搵返啲舊貨出嚟兜兩兜，好似ＡＩ、醫藥之
類，仲連ＳａａＳ都有翻炒嘅機會，就知魚缸係缺水兼缺主題。ＡＩ股炒過，藥股炒過，咁ＡＩ
藥股又如何呢？
　
　　魚缸第一隻１８Ｃ股晶泰（０２２２８）（正名ＱＵＡＮＴＵＭＰＨ，申請緊改返中文名晶
泰控股），就係ＡＩ藥股嘅代表，公司最大業務就係用ＡＩ系去預演唔同化合物組合出嚟會對生
物起到咩反應，傳統大海撈針逐隻試需時以年計，但用上晶泰嘅ＡＩ預測就可以慳到只係用唔使
兩個月就可以搵到潛在候選組合。
　
　　近期有間外國嘅生科ＡＩ平台獨角獸公司Ｉａｍｂｉｃ，就宣布推出咗「Ｅｎｃｈａｎｔ」
ＡＩ平台，就同晶泰嘅平台有啲類似，但同晶泰比拼化合物嘅反應同，Ｅｎｃｈａｎｔ主力係預
演人體反應。人體臨床試驗數據矜貴，即使有ＡＩ平台，試驗候選組合嗰陣都有可能因為人體試
驗數據不足而令到結果有可能唔夠全面。而Ｅｎｃｈａｎｔ就希望用ＡＩ嘅深度學習功能，運用
僅有嘅少旺臨床數據、動物測試以及細胞實驗數據，經ＡＩ平台深度學習後搵出當中嘅規律，整
合出嚟再預演出候選藥物喺人體有可能出現嘅吸收、靶向、代謝等等反應，可以作為臨床實驗嘅
輔助甚至替代。
　
　　而究竟ＡＩ喺生物科技研究上係「輔助」定係「替代」，目前都仲要試，正如魚缸入面都未
出到多幾隻「ＡＩ醫藥」概念股，ＡＩ喺變幻莫測嘅人體上可以去到幾準確，都未知道。但深度
學習嘅強大就在於，只要有時間，億萬個結果都可以指日可待，所以ＡＩ喺早期藥物研究上一定
大有作為，至少好似晶泰嘅技術就可以大大縮減逐個化合物組合測試嘅過程，加快新藥推出進程
，偉大啲講就有助人類福祉，短淺啲講就有助新藥喺魚缸嘅炒作囉，請請！
　
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。