《小傳日記》就快又到９月，孖屐都準備緊迎接新一年嘅蘋果秋季發布會，而今次其中一個
焦點就係Ｍａｃ ｍｉｎｉ。
今日孖屐盛傳蘋果將會推出新版Ｍａｃ ｍｉｎｉ，新機將會係Ｍａｃ ｍｉｎｉ史上體積
最細，更加會係蘋果史上最細。目前Ｍａｃ ｍｉｎｉ大小都固定係１９﹒７ｃｍ ｘ
１９﹒７ｃｍ ｘ ３﹒５８ｃｍ，咁多年都同Ｓｔｅｖｅ Ｊｏｂｓ ２０１０年在生時一樣
，一用就係十幾年。據講今次Ｍａｃ ｍｉｎｉ係因為晶片升級變細咗，令到體積都可以縮細。
有爆料就話，Ｍａｃ ｍｉｎｉ今次將會縮細到好似Ａｐｐｌｅ ＴＶ機頂盒咁大，面積上
都接近細咗一半，當中就係因為用咗最新嘅Ｍ４晶片，仲有一款係用咗仲未發布嘅全新Ｍ４
Ｐｒｏ晶片。價錢方面，目前Ｍａｃ ｍｉｎｉ入門價係５９９美金，預計新版細機有可能成本
更低，但就唔肯定係咪真係會減價。
睇返數據，由上年起Ｍａｃ系列嘅銷售都較為疲弱，孖屐估計今次出新機，就係為咗刺激一
吓Ｍａｃ嘅銷售。據講由新Ｍａｃ ｍｉｎｉ開始，未來一年蘋果全系電腦系列都會配備Ｍ４晶
片，其中Ｍａｃ ｍｉｎｉ、ｉＭａｃ一體機和ＭａｃＢｏｏｋ Ｐｒｏ都將會喺今年發布，寄
望可以帶起返Ｍａｃ嘅銷售。
除咗蘋果之外，今日國產代表都有風吹。華為常務董事余承東被發現到用緊一款三摺手機，
即係一部機可以摺兩次，打開就好似屏風咁。如果真係出品，就會係全球第一款上市嘅三摺手機
。隨後個風就愈吹愈猛，好多個手機ＫＯＬ都跟手發布有可能就係華為新三摺機嘅相，疑似配有
手寫筆，好有可能今年內就會量產，並會喺１０月發布。
蘋果９月出，華為就疑似打算１０月發布三摺機，疑似係有追住嚟打嘅感覺。比起變細咗，
摺ｍｏｎ摺多次都好次矚目一啲，話唔定真係可以搶ｆｏ！請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
