《小傳日記》上星期四（２９日）美國公布首季ＧＤＰ年率化季度增長２％，好過市場預期
，第二日公布５月份ＰＣＥ按年升３﹒８％，較４月份嘅４﹒３％大幅放緩，美國加息周期年內
結束喇啩？所以美股三大指數齊升，納指仲創埋１９８３年以來最佳表現嘅上半年，大行高盛認
為美國有望避過經濟衰退。另外，美國財長耶倫又將於本月６至９日訪華，令人憧憬美中關係有
望改善，當然亦好大可能為民主黨出戰明年大選製造有利環境。點都好，港股今日（３日）開局
唔錯，恒指早市已曾升超過３００點。
近期都係炒番啲ＡＩ概股穩定，因為股價要有龐大升幅就一定要靠概念，同有無限想像空間
，ＡＩ概念就可以做到！今日開盤隻美圖（０１３５７）位居大價股升幅榜首，而且股價一路衝
頂，暫時最高見過３﹒３７銀，升幅１３﹒８５％。
美圖２００８年成立，致力打造優秀影像生產力工具，讓影像拍攝、影像後期、設計、繪畫
變得更簡單，並通過美業ＳａａＳ助力產業數碼化升級。截至２０２２年１２月，美圖公司月活
躍用戶總數為２﹒４３億，其中海外月活躍用戶數達７９７６萬。另外，公司正全面投入
ＡＩＧＣ，喺日前嘅第二屆影像節，公布發布咗７款ＡＩＧＣ新品，包括ＡＩ圖片、ＡＩ視頻、
ＡＩ設計、ＡＩ數碼人等６款工具產品，以及ＡＩ視覺大模型ＭｉｒａｃｌｅＶｉｓｉｏｎ。
美圖截至去年１２月底止，全年營收２０﹒８５億人幣，按年增長逾２５％，毛利
１１﹒８７億人幣，按年增長５﹒５％，每股盈利雖然只有０﹒０２人幣，但已扭轉過去多個季
度嘅虧損狀況，前景值得憧憬。走勢上，上星期三股價高見３﹒５５銀後以穿頭破腳大跌，之後
兩次試穿２﹒８銀後都見強勁承接，估計短期突破３﹒５５銀機會極高，下一個挑戰嘅目標為
４﹒５銀。由於股價自２０１８年８月跌穿４﹒５銀後，呈現大型橫行，今次如果上破該位，後
市有望挑戰８銀阻力，可以訂止蝕位喺２﹒７銀，現價作第一注追入，第二注２﹒９５銀，升破
３﹒５５再追。（ｐｃ）
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
《說說心理話》【奧運劍擊熱】大師兄張小倫親身分享！贏在起跑線=壓力？如何培育子女有卓越成就？► 即睇
