《小傳日記》早兩日講起ＡＩ歌手同黃家駒，而有跟開嘅都知道尤其喺黃家駒忌日前呢幾日
，就有人爭論緊隻ｄｅｍｏ係唔係寫畀自己，仲考埋大家「記憶體」好唔好。其實要證明隻歌係
唔係自己，唔使日日考「記憶體」，用ＮＦＴ就得喇。
今次事件嘅「幕後操手」－Ｂｅｙｏｎｄ前經理人陳健添近年就好熱衷做ＮＦＴ歌曲，而之
前就已經將今次爭論嘅原曲ｄｅｍｏ鑄造ＮＦＴ，唔知今次肥媽演繹嘅新版本又會唔會再鑄
ＮＦＴ呢？而ＮＦＴ歌曲同最早嘅ＮＦＴ畫都差唔多，就係將一件作品變成一申ｃｒｙｐｔｏ代
碼，證明所擁有嘅複本係正版之一。
第一隻ＮＦＴ專輯係由美國樂隊Ｋｉｎｇｓ ｏｆ Ｌｅｏｎ喺２０２１年３月推出，啟發
唔少音樂人都推出ＮＦＴ歌曲。最犀利嘅莫過於今年３月逝世嘅坂本龍一，２０２１年底佢將自
己嘅首本名曲《戰場上的快樂聖誕》鑄成ＮＦＴ，唔似其他歌或者畫，會將同一件作品鑄成某一
個數量嘅ＮＦＴ，坂本龍一將《戰場上的快樂聖誕》嘅主旋律，９６個小節一共５９５個音符，
每一個音符都單獨鑄成ＮＦＴ，變相每一個ＮＦＴ都係真正獨一無二。雖然最初定價只係
１００００円，但係買家之後再放出來，閑閑哋已經可以炒到幾十萬円一個音符，已經未計某啲
關鍵音符！如今坂本龍一都已經離世，相信呢批ＮＦＴ嘅收藏價值更加會直線飆升。
當然亦都可以話，喺ＹｏｕＴｕｂｅ就可以聽曬全首，買隻ＣＤ都算擁有咗，不過ＮＦＴ就
係始終唯一一次嘅唯一一個音符，亦都正係ＮＦＴ嘅收藏價值。如果肥媽演繹嘅新版黃家駒
ｄｅｍｏ鑄ＮＦＴ，有無收藏價值，就真係由市場話事，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
《說說心理話》【親子溝通】怪獸家長原來都有呢啲通病！相處有一件事切忌？► 即睇
