《小傳日記》人民幣櫃台今日開通，之前就連官方都預計人民幣櫃台成交唔會好熱烈，結果
都真係一如所料，２４隻人民幣櫃台股份總成交都只係得１﹒６３億，魚缸要靜起上來，出盡方
法都推唔郁！
連帶之前熱炒嘅ＡＩ概念都攤凍曬！不過今日ＡＩ概念之一嘅美圖秀秀（０１３５７）就忽
然炒起兩成有多，原來係公布咗新ＡＩ模型。今日美圖搞咗個以「ＡＩ時代的影像生產力工具」
為題嘅第二屆影像節，一次過重炮公布７樣新產品，包括美圖嘅ＡＩ大模型「
ＭｉｒａｃｌｅＶｉｓｉｏｎ 奇想智能」，呢個係美圖嘅ＡＩ底層學習模型，之後６樣新產品
都係建基於ＭｉｒａｃｌｅＶｉｓｉｏｎ之上；包括ＡＩ視覺創作工具「ＷＨＥＥ」；ＡＩ口播
視頻工具「開拍」；桌面端ＡＩ視頻編輯工具「ＷｉｎｋＳｔｕｄｉｏ」；主打ＡＩ商業設計嘅
「美圖設計室２﹒０」；ＡＩ數字人生成工具「ＤｒｅａｍＡｖａｔａｒ」同埋美圖ＡＩ助手「
ＲｏｂｏＮｅｏ」。
美圖為ＭｉｒａｃｌｅＶｉｓｉｏｎ所設計嘅ｓｌｏｇａｎ就係「懂美學的ＡＩ視覺大模型
」，ＣＥＯ吳欣鴻話，美圖將長期積累落來嘅美學認知融入ＭｉｒａｃｌｅＶｉｓｉｏｎ，搭建
咗基於機器學習嘅美學評估系統，為模型生成結果加上「美學分數」，從而不斷提升模型對美學
嘅理解。美圖又提到，ＭｉｒａｃｌｅＶｉｓｉｏｎ將會具備獨特嘅美學創作者生態，有藝術家
、設計師等具有深厚美學背景嘅專業人士，共同參與視覺大模型嘅建設。
由美圖公布新嘅幾款產品來劃分，可以分為「ＡＩ圖片」、「ＡＩ視頻」、「ＡＩ設計」同
埋「ＡＩ數字人」四大應用層類別。如果百度（０９８８８）文心一言係關於文字ＡＩ生成，係
咁美圖ＭｉｒａｃｌｅＶｉｓｉｏｎ就係集中影像生成嘅ＡＩ。記得之前文心一言被人踢爆係用
外國開元軟件來生成圖像，令神州網民都大為失望。如今美圖呢個就真正係國產嘅影像生成ＡＩ
模型，加上美圖喺Ｐ相方面喺神州都有一定地位，需求量都應該唔成問題，係差在商業化同變現
程度做得有幾好，所以一公布出來都幾令孖屐期待，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
《說說心理話》運動員強大心理質素如何煉成？張小倫分享最挫敗經歷，及後怎樣重整旗鼓？► 即睇
