《小傳日記》加碼泵水魚缸又升返，不過密食未必夠三番？

　　《小傳日記》雖則大家噚晚大家都預今日要返工，不過天文台今朝就９點幾先落波，根據聯
交所規定９點後至１１點落波就魚缸午市照常開，所以半個交易日就失而復得。以為得半日
ｔｒａｄｅ會再水靜鵝飛一啲，點知得半日都做到平時（呢排低成交嘅平時）一日嘅成交額，仲
升成６９９點！
　　原來噚日阿爺又加碼泵水撐經濟，宣布再推出１萬億元人仔措施，主要集中喺基礎設施支出
上面，當中包括１９項接續政策，其中增加３０００億人仔以上政策性開發性金融工具額度，支
持基礎設施項目，６月底已經宣布３０００億人仔人民幣的刺激措施。國務院亦都要求地方政府
依法用好５０００億人仔專項債結存限額。
　　阿爺旗號一路都主打「穩經濟」，而唔係「谷經濟」，所以一直維持密食當三番，每次少少
但就密密手；今次國務院都重新強調「不搞大水漫灌、不透支未來」，重申官員今年對刺
激政策相對穩健的立場。咁樣做都好處，一來唔可以同花旗國嗰邊嘅貨幣政策太過違背，佢收水
時放水，人仔貶值會更犀利；二來唔一次過泵水救市，亦都避免咗某啲板塊會過熱。三來而家孖
屐興炒消息，每次出少少就長炒長有啦！
　　不過炒消息終歸係炒消息，剎那炒起都好難長久，有唔少孖屐人士以至經濟學家都覺得，呢
種擠牙膏式嘅刺激措施好難長期救起神州經濟，原因係房地產行業仍深陷困境，但係之前房地產
業喺提振家庭、公司和地方政府的信貸需求方面發揮了重要作用，如果房地產一日唔未起死回生
，剩低嘅板塊都好難撐到有返之前嘅增長速度，請請！
　
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無涉。