《小傳日記》魚缸噚日即使升住收，但都係上唔番兩萬一。今日就因為內房股災難式下跌，
科技股又ｇｕｒ ｇｕｒ哋，臨尾一度跌超過３００點，個勢仲係弱。咁樣落去，兩萬關又守唔
守得住呢？
今日除咗碧桂園（０２００７）、碧服（０６０９８）呢啲內房同物管股跌超過一成之外，
華寶（００３３６）都跌得甘！股價開市無耐已經跌超過一成，全日捱打咁款，係同管理層嘅消
息有關。
早喺今年１月份，華寶主席、首席執行官同執行董事朱林瑤涉嫌違法，接受立案調查，公司
之後收到朱林瑤家屬通知，話朱女士已經被執行指定居所監視居住。咁都未止，連佢個仔、喺華
寶香精做主席、首席執行官同執行董事嘅林嘉宇，都畀長沙縣公安局執行指定居所監視居住。雖
然華寶強調事件唔會對公司日常生產經營活動構成重大不利影響，但股價喺１月２４日由
１２﹒３４銀急插６６巴仙，跌到４﹒８４銀，自此股價就好似停止心跳咁樣，一路橫行到６月
。
７月初開始，華寶股價好似有番少少心跳，曾經升番去７﹒９４銀，但「剎那光輝不代表永
恆」，本來朱林瑤噚日已經獲長沙縣公安局解除監視居住，取保候審，誰不知今日佢又收到信豐
縣監察委員會立案通知，決定對佢進行立案調查，安遠縣公安局亦決定對朱林瑤執行指定居所監
視居住。
呢單「監視風雲」仲未了結，令華寶股價跌番落去，連埋今日在內嘅四個交易日跌超過四成
，今日失守埋１００天線，１０天線又跌番落去，距離３月１５日嘅年內低位３﹒１９銀差唔夠
１銀。今鋪名符其實，阿媽阿仔齊出事，華寶跌勢仲未止。幾時跌完無人知，絕地翻身唔容易！
請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無涉。
【香港好去處】etnet全新頻道盛大推出！全港最齊盛事活動資訊盡在掌握！► 即睇
