《小傳日記》魚缸噚日下晝低位反彈返差唔多２００點前嚟，今日食住個勢，借住巴巴
（０９９８８）申請返香江主要上市，加上大象（００００５）又炒緊加息，帶起魚缸全日最多
升差唔多４００點，最後收報２０９０５，升３４２點。
除咗巴巴之外，噚日終於得阿爺擺明車馬咁科水嘅內房佬，ｐａｒｔｙ開到今日都未完！《
彭博》報道話，神州房地產業協會今日喺杭州舉辦房地產紓困項目同金融機構商洽會，會議議題
包括金融機構紓困路徑、房地產行業信心趨勢變化等等。另外匯證都好識ｄｏ，即刻寫份報告食
住阿爺呢次擺明科水行動，其中就講到如果政策顯著放鬆，推動內房復甦嘅速度會快過預期，多
隻內房將會出現風險驅動的上升。
匯證又話，民企違約風險已經消化，行業全面違約嘅可能性好細，如果出現普遍上升，之前
因為封控措施而被掟貨嘅民營可能會有出色表現，簡單嚟講就係跌得殘嘅就會升得盞！匯證點名
唱好旭輝（００８８４）同碧桂園（０２００７），所以今日呢兩隻最熱炒嘅民企分別升多過一
成六，收報２﹒５１銀；同埋升多過一成三，收報３﹒７２銀。
如以投資角度嚟講，旭輝ＰＥ ２﹒４倍，碧桂園ＰＥ ２﹒６倍，旭輝預期息率９﹒７厘
，碧桂園預期息率都９﹒６厘，就咁睇牌面嚟講係幾吸引。不過內房利淡消息無日無之，所以呢
類跌殘內房都非常雞肋。不過今日碧桂園同旭輝勁升一成幾，證明返孖屐個信心，起碼碧桂園可
以睇返４﹒５銀，旭輝就睇返３銀，短炒食一轉都唔錯啦，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無涉。
想要獨家投資理財Tips？即Like etnet 全新Facebook專頁► 立即讚好
