《小傳日記》近排全世界都「㷫烚烚」，講緊嘅係溫室效應搞到全球氣溫急升，歐洲更受到
熱浪衝擊，英國日前更出現攝氏４０度有史以嚟最高溫度，另外有多個歐洲家溫度超過攝氏４５
度，西班牙同葡萄牙就超過１７００人熱死。美國都唔好得去邊，中部未來幾日溫度可能升破攝
氏４１度。香港都出現３６﹒１度，係有史以嚟最高溫嘅７月份，內地好多地區都成３７、３９
度，部分高過４０度。
作為投資者，天氣咁熱有咩好買？即時諗到啤酒股啦！不過主要都係嗰三隻咁大把－青啤
（００１６８）、潤啤（００２９１）同百威（０１８７６），以股價大細計就係以上述次序排
，以市值計就啱啱掉番轉。另外，２０２１年嘅數據顯示，營業收入以百威最勁，有成
４３２﹒７８億銀人仔，青啤同潤啤分別係３０１﹒７億同３３３﹒８７億人仔，但以每股盈利
計，青啤最高。舊年第四季係２﹒３８２人仔，潤啤係１﹒４１人仔，百威最「削」，得
０﹒４５８４人仔。鬼咩，百威發行成１３０幾億股，分薄晒囉！
青啤每股盈利啱啱過咗表現最差嘅第一季，以今年咁嘅氣溫，無咩理由每股盈利過唔到
１﹒５銀人仔，高過舊年嘅１﹒７８銀都唔奇！集團派息都ＯＫ啦，舊年末期息每股派１﹒１人
仔（從冇派中期息）係上市以嚟最多，我估今年會再創派息新高。走勢上，青啤似衝緊８１銀嘅
今年雙頂阻力，突破機會都幾高，唔望歷史高位９１﹒３６銀，上到８５銀，現價計都有成７銀
執，加埋如果有１﹒５銀股息，８﹒５銀即係超過１０％回報，今時今日算唔錯啦！見到
７６﹒５至７４銀可以買，短線收穿７２銀先止蝕。請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無涉。
【買1送1】維柏健9合1關節王牌► 了解詳情
