《小傳日記》噚晚歐洲央行大幅加息半厘，但都預咗啦，叫做跟貼番全球央行加息步伐。另
外又推個咩「傳導保護工具」，一句講哂都係巧立名目去買高負債成員國國債，壓低債息，點玩
法同有冇效就要等佢行咗先知。下星期二、三聯儲局開會議息，星期四凌晨公布結果，暫時估都
係加住０﹒７５厘先。
股市無咩焦點，今日恒指縮咗喺２０５１３至２０７８８之間行，波幅２７０幾點，成交就
縮到８５０幾億，今個月睇怕都係淡友勝出。根據《經濟通ＨＶ２報價系統》嘅牛熊證分布圖，
噚日（２１日）牛證重貨收回區落到２００００至２００９９，今日恒指現貨雖然守住
２０６００樓上收，但６００點好話唔好聽一嘢就到啦！下星期聯儲局又公布議息結果，期指淡
友啱啱好趕到喺２８號最後交易日劏牛。７月翻唔到身唯有等８月啦。
個股方面，既然大市預期仲會插多一嘢，恒指成分股就唔掂住啦。早前話畀大股東減持嘅商
湯（０００２０），星期二跌到２﹒０４銀上市新低後慢慢爬番上嚟，今日升１﹒６７％，收報
２﹒４３銀，仲係低過招股價３﹒８５銀。呢隻半新股全日主動買沽比率係５２：４８，大手就
係４８：５２，都係五五波。
根據ＣＣＡＳＳ資料，截至２１日止，富途持有２０﹒６９％商湯股份，係持股最多劵商，
今日透過富途買賣嘅商湯股份佔整體１５﹒０１％，被動買入股數９１１萬，被動賣出９４８萬
，淨賣出逾３７萬股，似係轉緊貨，但個價都係升，用４毫零紙博６毫，見番３銀都有２３％賺
，可以一試！請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無涉。
【你點睇】中央接連推出惠港措拖，你認為是否能刺激香港經濟？► 立即投票
