《小傳日記》魚缸今日都有些少奇蹟，今朝神州花旗聯一齊重炮轟魚缸，先有花旗證交趁知
乎（０２３９０）今日回Ｈ贈興，公布新一批連帶知乎在內嘅中概股入預定摘牌名單。你出招時
我又出招，據報阿爺唔滿意網信辦對滴滴嘅處分，可想而知網信辦知道要大力懲罰滴滴做為殺雞
儆猴警告其他科網佬唔聽話嘅下場，但係阿爺都唔滿意，睇嚟真係要嚟鋪「杰噠噠」嘅，不過今
朝全部科網佬都明顯已經嚇親，科指股全線除咗比電（００２８５）平開之外全線低開，恒指亦
都受累低開４２０點。
開市初段恒指進一步下試跌穿２０２００，不過之後就見有支持喇，美團（０３６９０）同
生發發（００３８８）等等嘅重磅藍戰士有買力，之後就一路向上收窄跌幅。食完飯返嚟仲試過
帶領恒指倒升，但最後都係跌返落去，全日完場報２０６３８，跌４３點或跌０﹒２１巴仙，主
板成交１０８６﹒４８億銀。
今次阿爺嘅唔滿意，令好多缸友之前睇好監管放寬都驚一驚，種種跡象都表明阿爺似乎無乜
意思想放手，睇嚟科網佬嘅衰運都仲有排，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性。
本文只供參考之用，並不構成要約、招攬或邀請、誘使、任何不論種類或形式之申述或訂立任何
建議及推薦，讀者務請運用個人獨立思考能力自行作出投資決定，如因相關建議招致損失，概與
《經濟通》、編者及作者無涉。
【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票
