《小傳日記》繼噚日全日成交唔夠５００億銀，今日終於叫好返啲，上返７００億銀多啲，
仲大棍升破５０天線，無北水玩都算係咁，唔通今次破５０天線真係有料到？
近期美股基金都陸續公布上季嘅持倉變化，居然仲有大型基金加倉中概股。高瓴旗下
ＨＨＬＲ Ａｄｖｉｓｏｒｓ１就公布最新美股持股，２０２３年第四季，ＨＨＬＲ就加倉拼多
多（ＰＤＤ）２７６萬股，持股總市值升到去１４﹒７９億銀美金，超越百濟神州
（ＵＳ﹒ＢＧＮＥ）（０６１６０）成為最重倉股份。雖然唔知高瓴係上季邊一個位加倉拼多多
，但係拼多多上季內公布嘅史詩級第三季業績令孖屐趨之若鶩，如果係業績之後先追入嘅，證明
高瓴仲睇好拼多多未升完，咁拼多多真係仲有好大潛力！
近期阿爺大賣「抵抗沽壓沖喜套餐」，限沽令、撤限購一波接一波，全力喺過年前做返起個
市，呢幾日魚缸反應暫時都唔錯，就睇Ａ場開年跟唔跟手造好紅盤。不過有人都係覺得要反彈都
係唔夠力，因為未形成真正買力，好多基金都係響應或者畀面阿爺先入返啲貨，並未真係咁睇好
。
早排限沽令一出，ＡＨ場都有唔少回升動力，普遍都係因為平淡倉追貨，令股市可以話出現
一個小陽春。雖然時常話外資沽貨，但當外資沽貨起來，北水跟沽嘅力度都唔細，早排市況易跌
難升，反而吸引上面唔少資金造淡，一邊沽空一邊造淡，分分鐘搵得仲多，所以限沽令與其話係
限外資沽貨，反而更加係限制境內資金加把腳造淡個市，限沽令其實就係阿爺要話畀孖屐想造淡
唔會再好似以前咁好搵。
今日魚缸大破５０天線，成交未算好多，不過都係大半年以來最大棍破５０天線嘅陽燭，更
加係半年以來第一次四連陽，相信都畀孖屐會有多些少信心，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
想要獨家投資理財Tips？即Like etnet 全新Facebook專頁► 立即讚好
