從前學校裏面有一班幾十個學生，正常邏輯去諗，你唔會走去賭包尾嗰幾個學生下個學期有機會考第一，梗係博考前五嗰幾個繼續考得好啦，玩咩。
依家唔係買馬仔，買冷馬賠率係會好啲，但你買冷股票賠率唔會囉。
特別係香港，趨勢差就講咩基本面都無乜用，市場唔認同就係唔認同，趨勢繼續差我就繼續沽。即使股價貴到飛天，你有trend上，有catalyst（呢個好重要），咪繼續坐上去，有risk control，有止損，輸唔死人。
估值係有用，但只能輔助，有catalyst，幾高估值都可以有更高預期。
依家市面上邊個學生跑贏？美股囉，NVDA、AMD、MSFT、GOOG；日股囉，SONY、迅銷、東京電子、任天堂；台股囉，TSM、TSM、TSM。咁邊個包尾呀？
港股囉，阿里巴巴(09988)、騰訊(00700)、美團(03690)、內房、內險、港交所(00388)。
不需要對基本面、政治、宏觀經濟有乜睇法，其實好多嘢喺圖表上就已經反映晒出黎。多啲睇唔同板塊、指數、外匯嘅圖表，你會有更多得著。此時此刻，你仲買港股？見底先買啦，你點知跌幾多？唔好話跌，如果好似大家以前睇死嘅日本咁底部橫行30年，咁有意思嗎？《南華證券高級分析師 莫灝楠》
*《經濟通》所刊的署名及/或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【你點睇】中環海濱充氣奇蹟展展品外貌惹網民嘲笑► 立即投票
