《開市Good Morning》香江魚缸自舊年1月以嚟再次連升四星期,累升逾兩成
。不過今日收升都得來不易,明明開市時升得好地地,但神州一出三頭馬車數據,魚缸就即刻腳
軟,更加轉跌過33點。好彩好快重拾返上升動力,尾市仲再發力升225點,可惜高位
19600點水平始終有阻力。最終埋單收升177點,收報19553點,成交1793億銀
。不過孖屐如終擔心,神州三頭馬車入面得工業增加值好過預期,社會消費品零售總額增速更見
近年半低,反映孖屐消費信心仍有待提升?
今個星期日(19日)係騰訊(00700)嘅大日子,事關集團早前已預告會喺當日嘅「
WeGame遊戲之夜」公布多款新遊戲。不過騰訊近年開發新遊戲的嘅方針已由量產轉為慢工
出細貨,希望以質素取勝,若真如預期一次過推出幾十款新作,集團發展方向好似無咩持續性咁
?呢批新遊戲要做到好似「王者榮耀」咁普及、咁紅,難度有幾高?騰訊與同業相比,將AI技
術應用到遊戲當中嘅進度算快定慢?
至於造車新勢力理想汽車(02015)下星期一(20日)就會放榜,同業持續打價格戰
谷車銷,上年已成功扭虧為盈嘅理想現時仲有無本錢再燒?今年3月底,理想汽車將今年的銷量
預期
從80萬架下調至56至64萬架,唔通中央以舊換新政策都無助托車銷?近期理想負面消息不
斷,集團仲可以點樣如何挽回孖屐信心?理想績前股價弱勢,似乎營造緊雙底?但基本面上又唔
似有力造雙底後回升,股價後向點睇?
下星期一《開市Good Morning》搵嚟 信誠證券聯席董事張智威,同大家分析
上述股份及大市走勢!歡迎大家提問投資及其他股票問題。記得準時8:55am,昅實《經濟
通》NewsTV直播節目--《開市Good Morning》喇!或者click入嚟
https:╱╱www﹒youtube﹒com╱watch?v=
GEudVyFmFD4打個卡先又得!
WoW WoW星期三:健康網購產品低至半價!(只限今天)► 火速行動