話說隻QUANTUMPH-P(晶泰科技)(02228),成為呢兩個禮拜市場焦點,皆因由8月29日起,由六個幾銀升到今日$15.8上市新高,真係嚇死人咩!
早前晶泰科技QUANTUMPH-P獲納入恒生綜合指數和恒生滬深港通大灣區綜合指數,調整將在9月9日正式生效,之後已經唔少人預計將會入埋港股通,預計北追追蹤下,股價狂炒都唔出奇。
呢間公司又做乜?據介紹指公司由三位麻省理工學院的博士後物理學家於2015年創立,公司亦基於量子物理的第一性原理計算、先進人工智能、高性能雲計算以及可擴展和標準化的機器人自動化相結合的方式,為製藥和材料科學(包括農業技術、能源及新型化學品以及化妝品)等產業的全球企業集團和創新公司提供藥物及材料科學研發解決方案和服務。
量子電腦喔!高科技喔!雲服務喔!隻隻字你都明,但夾埋一齊你就唔知係乜,但正正因為唔知係乜,個股價先可以炒到飛天。其實博客上佢官網睇過,主要業務係利用AI同雲技術,快速咁幫製藥公司制定製藥嘅合成,都算係搵錢行業。
博客認為,今日雖然股價破頂,但依然仍有作為,過往同藥物有關公司,如果受北水追捧,分分鐘上八十或者一百蚊股價都唔出奇,不過高回報自然就高風險,投資者要仔細考慮自己可接受程度啦!
《編者按》本欄搜羅即市傳聞,惟消息未經證實,《經濟通》亦不保證內容之準確性。
【與拍賣官看藝術】常玉作品屢創天價,背後其實藏著跌宕起伏的人生► 即睇