《魚缸博客》終於望穿秋水，萬國數據（０９６９８）公布２０２４年第二季度業績，淨收
入同比增加１４﹒３％至２８﹒２６４億元（人民幣．下同）；毛利約６﹒３８億元，同比增長
１５﹒７６％。淨虧損為約２﹒３２億元，經調整ＥＢＩＴＤＡ（非公認會計准則）同比增長
６﹒２％至１３﹒１２億元。
公司解釋，淨收入同比增加主要是由於數據中心的持續增長及業務增長。
博客一路都有留意呢隻股份，由一百紋一路跌跌跌跌，其實係大市環境差，加上中美貿易關
係，股價跌到落谷底。今時今日呢個環境有邊個唔輸錢，聽好多朋友都有買，然後打算放係倉到
，唔開ＡＰＰ、唔Ｃｈｅｃｋ股價、唔睇評論，緣分到了，股價就自然反彈。
其實做數據中心、雲呢類行業，前景只會變好唔會變差。先唔好講啲公司需求有幾大，就算
好似最近《黑神話：悟空》咁計算，人地都無出實體版，全部都係上網買、上網Ｄｏｗｎ，咁咪
又要數據中心提供服務，所以個世界一路都變梗，由實體變虛擬。
另外一點，公司ＣＥＯ提過，公司係馬來西亞柔佛獲得了大量新客戶訂單，唔好睇少東南亞
，好似越南、泰國、星馬呢啲地方，商業同遊戲需求都好大，而本身歐美因為文化關係，好難打
入呢個市場，所以萬國數據有自己一定優勢係呢到。
今日股價裂口高開，同埋呢期都有資金流入，第一關阻力位可能係２０蚊附近，有興趣炒高
低可以考慮下！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】有健身中心宣布全線暫時結業，議員指巨額預繳式長約並不合理，你日後若「入會」會更留意邊方面？► 立即投票
