按盤價 
《開市Ｇｏｏｄ Ｍｏｒｎｉｎｇ》阿爺上面開大會、香江魚缸就負責恰眼瞓，全日碌吓碌
吓，午後跌幅擴大至唔見五舊，低位１６０９５連５０天線都失守埋，最終收市雖然跌幅收窄、
但都蒸發咗４３３點，收報１６１６２點。輪場資金好似畀到啟示大家，狂殺貼價牛情況下資金
仍夠膽踴入牛證，反映孖屐都睇好魚缸短線再跌空間有限？下方萬六關應該守得住？國務院總理
李強提到今年阿爺打算由今年開始、連續幾年發超長期特別國債，密密撲水都好似對水緊問題無
咩幫助，對上一次發成兆債都無用？神州長期發債、又會帶嚟咩風險？
阿爺又唔係唔肯使錢嘅！最新講到要大力推「人工智能＋」行動，仲肯豪擲７０００億銀人
仔添！不過阿爺水緊下拎大拿拿７０００億銀出嚟，負擔咪好大？最怕今次只係第一次注資，嚟
緊仲有大把機會要拎錢發展ＡＩ！以現時神州嘅創科技術及生態，又支唔支持到阿爺擴強人工智
能應用嘅野心？
仲要睇實聽日收市後放榜嘅京東（０９６１８），多間券商料上年第四季Ｎｏｎ－ＧＡＡＰ
最多跌兩成一，收入就微升，Ｃｏｎｉｔａ又點睇？京東長期以低價營銷手法搶佔市場份額，又
會犧牲幾多盈利？股價要轉勢、睇怕都要等跌穿咗８０銀先得？
聽日（６日）《開市Ｇｏｏｄ Ｍｏｒｎｉｎｇ》搵嚟資深財經分析師熊麗萍，同大家分析
上述股份、大市走勢，同埋當日嘅焦點股！歡迎大家提問投資及其他股票問題。記得準時
８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ Ｍｏｒｎｉｎｇ》
喇！或者ｃｌｉｃｋ入嚟 ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？
ｖ＝ｉｊＯｓｖＭＥｂＡｑ０打個卡先又得！
【你點睇】特朗普遇刺案，你認為事件對年底美國大選起多大影響？► 立即投票
