按盤價 
《開市Ｇｏｏｄ Ｍｏｒｎｉｎｇ》香江魚缸再次守住萬八關！不過全日走勢好淡爭持，一
開市已見全日低位，內地股市午後回勇，魚缸亦跟隨向上，但５０天線（約１８１２９點）附近
仍有較大阻力，最終升１７點，收報１８０８９點，連續三日成交都不足１０００億銀。七一臨
近，孖屐觀望神州會唔會落實取消神州投資者Ｈ股股息徵稅，及擴大港股通規模等措施。不過魚
缸目前估值仍偏低，再大跌空間有限，暫時又未有催化劑下，短期繼續喺萬八點附近上落？
理想汽車（０２０１５）上周銷量達到約１﹒１７萬輛，按周增逾一成一，已經連續九個星
期位列中國「新勢力」品牌銷量第一，呢個消息應該係市場預料之內？股價升４％，有冇過分反
應咗？定係借勢技術性反彈？
內地電動車品牌「哪吒汽車」母企合眾新能源汽車趕在上半年完結前，遞表申請來港上市，
之前就傳過計劃集資約１０億美元，招股書顯示，２０２３年哪吒汽車營收逾１３５億銀，淨虧
損擴大至逾６８億銀，揀在呢個時間點上市適合嗎？車企「內捲」得咁犀利嘅情況下，哪吒有條
件同其他汽車新勢力一較高下嗎？
聽日（２７日）《開市Ｇｏｏｄ Ｍｏｒｎｉｎｇ》搵嚟國農證券董事總經理林家亨，同大
家分析上述股份、大市走勢，當然唔少得當日嘅焦點股！歡迎大家提問投資及其他股票問題。記
得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ
Ｍｏｒｎｉｎｇ》喇！或者ｃｌｉｃｋ入嚟 ｈｔｔｐｓ：╱╱
ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｍＴＯＥＣｎ２７Ｄｒ８ 打個卡先又得
！
【你點睇】烏軍攻入俄國庫爾斯克州近兩周，並炸毀兩座重要橋樑，你認為俄烏戰爭會否急劇惡化？► 立即投票
