按盤價 
《魚缸博客》ＴＶＢ負債幾多，相信網上很多新聞，博客就唔一一詳述了；而跳船嘅藝人相
信亦「聞到味」，不單單因為薪水問題，而係相信該公司已經去到山窮了。
今天最新新聞係，電視廣播（００５１１）公布，分兩批發行共約２８７４﹒４萬股新股，
集資約１﹒１億元。分別配股給邵氏及廣發証券（０１７７６）（深：０００７７６）全資附屬
公司廣發全球資本。
要行到「配股」呢一招，在ＴＶＢ角度層面，博客認為無疑是用到最後一招。翻看邵氏公司
資料，截至２０２３年１２月３１日，邵氏公司現金流還剩三億人民幣多少少；而是次配股，
ＴＶＢ就從邵氏公司拎了８０００萬。
ＴＶＢ解釋，主因是同優酷等聯合製作夥伴收到進度款之間通常存在滯後期，即係話，拍【
新聞女王】雖然好收得，但仲未返到數，所以要同邵氏配股拎多少少錢繼續拍劇。
我印象中ＴＶＢ甚少配股籌錢，多數都是問銀行借，但佢自己電視廣告日日都話「還得到先
好借」。所以邵氏這三億，相信係「最後的三億」，用完又點呢。
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》【奧運劍擊熱】大師兄張小倫親身分享！贏在起跑線=壓力？如何培育子女有卓越成就？► 即睇
