《開市Good Morning》香江魚缸連跌五日!大市跌幅一度擴大至近400點,
低見16144點,亦係約四星期以來低位,收市仍要跌逾300點,報16224點,大市成
交只有844億。科技指數「見紅」,兼跑輸大市,收跌近3巴仙。未有利好消息支持,向下穿
萬六大關機會大?雖然魚缸落到去接近萬六附近水平,估值已經好低,但師傅成日教我哋平都唔
係買入理由,就算要搏反彈都唔係依家入市?香江魚缸表現咁差,首當其衝受拖累嘅係港交所
(00388),2024年頭一個星期,日均成交只有767億,按年跌四成八,反映投資者
在減息周期前仍採觀望態度,未肯入市?加上對魚缸信心不足,港交所今年核心業務收入,好難
有明顯復蘇?
藍籌股之中,只有3隻唔洗跌,當中有兩隻係資源股,分別係中海油(00883)及中國
神華(01088)。當中滙證上調中國神華目標價,雖然煤炭需求放緩影響,但其股息率具吸
引力,令資金持續流入,有一定防守性,證明資源股喺弱市之下仍然可吼?
聽日(9日)《開市Good Morning》搵嚟輝立證券董事黃瑋傑,同大家分析上
述股份及大市走勢!歡迎大家提問投資及其他股票問題。記得準時8:55am,昅實《經濟通
》NewsTV直播節目--《開市Good Morning》喇!或者click入嚟
https:╱╱www﹒youtube﹒com╱watch?v=
64Uf58t5i54打個卡先又得!
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票